आपला हात जगन्नाथ

मराठी वाक्संप्रदाय - वाक्यप्रचार

१. पुरीस जगन्नाथाच्या देवळांत वाटेल तेवढा प्रसाद असतो व मिळतो. यावरून वस्तूची विपुलता व ती घेण्याचे स्वातंत्र्य या दोन गोष्टी दर्शवितात. स्वतःला घेणें स्वतःच्याचकडे असल्यावर कमी कोण घेईल. २. (कों.) संसार करण्याचा सर्वोत्कृष्ट मार्ग म्हणजे स्वावलंबन होय. ‘आपला हात सोमनाथ’ असाहि पाठभेद आहे.
मनुष्याच्या हातांत सत्ता आली व वर कोणी पाहणारें नसलें म्हणजे तो वाटेल तशी चैन करुन घेतो. घरांत एकटीच स्त्री असली सासुसासरा नसले म्हणजे तो वाटेल तसे पदार्थ करुन खाऊं शकते तिला कोणी विचारणारें नसतें.