दलालाच्या अंगावर घोडे पडत नाहींत

मराठी वाक्संप्रदाय - वाक्यप्रचार

घोडयांच्या खरेदीविक्रीमध्यें घोडे कसेहि बरे वाईट निघालें तरी ते विकत देणारा किंवा घेणारा यांच्याच कडे राहावयाचे असतात. सौदा पटला तर घेणाराकडे, नाहीं तर विकणाराकडे
पण दलालावर कांहीं त्यांचा भार नसतो. तो केवळ दलालीचा मालक. त्याचें स्वतःचें नुकसान कांहींच नसतें. जो मनुष्य जबाबदार असतो त्याचेवरच कामाच्या बरेवाईटपणाची जोखीम असते. इतर दुय्यम, किंवा अलबत्या गलबत्या लोकांवर नसते. ‘ दलालीवरी घोडे पडतात कीं काय !’
शिवदि ३६६.