जिच्या घरीं ताक, तिचें वरती (गेलें) नाक

मराठी वाक्संप्रदाय - वाक्यप्रचार

ज्‍या बाईच्या घरी ताक म्‍हणजे काही वैभव असते ती नेहमी तोर्‍यात असते. सामान्यतः ब्राह्मणाच्या जेवणात विशेषतः कोकणात ताक ही एक आवश्यक वस्‍तु असते व ज्‍याच्या स्‍वतःच्या घरी दुभते नसते त्‍याला दुसर्‍याकडून ज्‍याच्या घरी असेल त्‍याच्याकडून ते मागून आणावे लागते. पूर्वी दूधदुभते विकण्याची प्रथा सामान्यतः ब्राह्मणांत तरी खेडोपाडी नव्हती. त्‍यामुळे स्‍वतःच्या घरी नसल्‍यास विकतहि मिळत नसे व ज्‍याच्या घरी अधिक दुधदुभते असेल त्‍यांच्याकडे ताके वाटून टाकण्याचीहि चाल असे. यामुळे ताक न्यावयास येणार्‍या बायांपुढे अर्थातच देणारीस आपला तोरा मिरविण्याची संधि मिळत असे. ताकावरून अशा तर्‍हेच्या म्‍हणी कोकणात बर्‍याच प्रचलित आहेत. ताक पहा.