मत्स्य पुराणात सात कल्पांचे वर्णन असून हे पुराण नृसिंह वर्णनापासून सुरू होते. मत्स्य पुराणात एकंदर चौदा हजार श्लोक आहेत. ह्यात भगवान श्रीहरीच्या मत्स्यावताराची प्रमुख कथा आहे. शिवाय ह्या पुराणात अनेक तीर्थ, व्रत, यज्ञ, दान, जल प्रलय, मत्स्य व मनुचे संवाद, राजधर्म, तीर्थयात्रा, दान महात्म्य, प्रयाग महात्म्य, काशी महात्म्य, नर्मदा महात्म्य, मूर्ति निर्माण माहात्म्य आणि त्रिदेवांची  महिमा वर्णिलेली आहे.