मराठी मुख्य सूची|
मराठी साहित्य|
भारुडे|
मेसाबाई - मेसको मैराळ तूं मसणीचे आई...
भारुड - मेसाबाई - मेसको मैराळ तूं मसणीचे आई...
भारुड Bharude is a kind of satirical form of presenting the faults of lay human beings. It was started by Eknath who is revered as a saint.
मेसको मैराळ तूं मसणीचे आई । धांव पाव वेगीं माझें नमन तुझे पायीं ॥ १ ॥
पंढरीचा हनुमान यातें कोण कोड घाली । जाळियेली लंका येणें तोंड केली काळीं ॥ २ ॥
दोंदील गण्या यातें पाचारुनी काई । उंदरावर बैसुनी केव्हां धांवेल आई ॥ ३ ॥
कैलासीचा शंभु बाई आवडेना मना । लागला भिल्लणीपाठीं कोठें पाहूं त्याला ॥ ४ ॥
लक्ष्मीचा वर खोटा आवडेना आम्हां । धरियेली माव तेणें मारियेला मामा ॥ ५ ॥
एक सेला एक मेला एक सिंदिचा घडा । घेऊनियां आई आमुचें उकली तूं कोडा ॥ ६ ॥
इतुकें घेउनी पाव तूं आम्हांसी । एका जनार्दनीं विनवितों तुजसी ॥ ७ ॥
N/A
N/A
Last Updated : November 10, 2013
TOP