इंगोळ

महाराष्ट्र शब्दकोश

  पु. ( व . गो ) जिवंत निखारा ; विस्तव ; अंगार . कैंची सुखनिद्रा आंथरुणीं । इंगळांच्या । - ज्ञा ९ . ५०१ . आंगीं लागतांतीं कमळें । इंगळें जेसी - शिशु ७५७ . संसार हाचि दु : खमूळ । लागतील दु : खाचे इंगळ । - दा ३ . २ . १ . दुसर्‍याच्या घरावर असा इंगोळ ठेवणें चांगलें नाहीं . [ सं . अंगार ; प्रा . इंगाल ]. म्ह० इंगळ हातीं धरवेल पण हा हातीं धरवणार नाहीं = एखाद्या तापट माणसास उद्देशून म्हणतात . इंगळासारखा लाल होणें - रागानें चेहरा तांबडा होणें ; अतिशय रागावणें . इंगळासारखे डोळे - लाल भयंकर डोळे ( अतिशय रागानें असे डोळे होतात ).