सुख साहेबाचं, घोडं विसाजीबोवाचं

मराठी वाक्संप्रदाय - वाक्यप्रचार

( व.) येथें साहेब श्रीमंत व प्रतिष्ठित गृहस्थाचें प्रतीक म्हणून व विसाजीबोवा दरिद्री क्षुल्लक गृहस्थाचें प्रतीक म्हणून घेतले आहेत. गृहस्थाला सुखोपभोग तर पाहिजेत-श्रीमंत व प्रतिष्ठित गृहस्थाला मिळूं शकतात तसे, पण याची परिस्थिति पाहावी तर ती हीन दर्ज्याच्या मनुष्याला शोभेशीः उदाहरणार्थ, याचें घोडें पहा, तें दरिद्री मनुष्यालाच शोभेल. पण आपल्या योग्यतेपलीकडे सुखोपभोग मिळण्याची मात्र याची इच्छा आहे.