हा सूर्य आणि हा जयद्रथ

मराठी वाक्संप्रदाय - वाक्यप्रचार

दोन्ही गोष्टी समोरा समोर आहेत पहा ! असें दाखविणें
रुजवात घालणें
एखाद्याचा दोष पुराव्यासह पदरीं घालणें [ अभिमन्युवधा नंतर अर्जुनानें सूर्यास्तापूर्वी जयद्रथाला मारण्याची घोर प्रतिज्ञा केली. तेव्हां कौरवांनी जयद्रथाला चांगलें सुरक्षित ठेविलें. यामुळें अर्जुनाला अग्निकाष्ठें भक्षण करण्याची वेळ येणार ही कृष्णाला भीति वाटून त्यानें सूर्याआड सुदर्शनचक्र घातलें. तेव्हां काळोख पडला व जयद्रथ आतां निर्भय आहे असें समजून अर्जुनाची आत्महत्या पाहाण्यास बाहेर पडला. ही संधी साधून कृष्णानें सुदर्शन दूर करुन अर्जुनाला ‘ हा सूर्य आणि हा जयद्रथ ’ असें दाखवून दिलें तेव्हां अर्जुनानें जयद्रथाला सहज मारलें.] ‘ गडया तुझ्या एका मुलीचा तर अनुभव तुला आलाच. आतां दुसर्‍याही मुलीचा येईल ! हा सूर्य आणि हा जयद्रथ व्हायला फार अवकाश नको.’ -अतिपीड.