अथान्त्येष्टिप्रयोगः - पाखण्ड्यादिमरणनिर्णयः

अथ पाखंड्यादिमृतानां अधिकारिणापि दहनादि न कार्यं तदाह याज्ञवल्क्यः - पाखंड्यनाश्रिताः स्तेना भर्तृघ्न्यः कामगादिकाः । सुराप्य आत्मत्यागिन्यो नाशौचोदकभाजनाः ॥ ये बुद्धिपूर्वकमात्मघातिनस्तेषु विशेषमाह - न संस्कारविधिस्तेषां नैव कार्योदकक्रिया । रुदनं नैव कर्तव्यं सूतकं न च बंधुभिः ॥ इति पाखंड्यादिमरणनिर्णयः ॥