अथ करमाला

अथ करमाला - तल्लक्षणं सौभाग्यकल्पद्रुमे - ‘पर्वद्वयमनामिक्याकनिष्ठादिक्रमेण तु । तर्जनीमूलपर्यंतं करमाला प्रकीर्तिता ॥’ इति ।
अस्यार्थ :--- अनामिकाया: मध्यपर्वारभ्य तन्मूलकनिष्ठामूलमध्याग्रानामिकामध्यमाग्रतर्जन्यग्रमध्यमूलेषु दशसु स्थानेषु अनुलोमविलोमत: अंगुष्ठाग्रेण स्पृशन्‌ जपेत्‌ । अत्र मध्यमामध्यमूलयोर्मेरुत्वं बोध्यम्‌ । इति कल्पद्रुमे ।