श्रीविठ्ठलवर्णन - नमो चंद्रभागातटीं-संनिवेश...
देवी देवतांची स्तुती करताना म्हणावयाच्या रचना म्हणजेच स्तोत्रे. स्तोत्रे स्तुतीपर असल्याने, त्यांना कोणतेही वैदिक नियम नाहीत. स्तोत्रांचे पठण केल्याने इच्छित फल प्राप्त होते.
नमो चंद्रभागातटीं-संनिवेशा । नमो पुंडलीकार्पित प्रेमपाशा ॥
नमो रुक्मिणीप्राणदा, पंढरीशा । नमो विठ्ठला, पांडुरंगा परेशा ॥१॥
नमो विठ्ठला रुक्मिणीच्या सुरंगा । नमो राधिका सत्यभामा वरांगा ॥
परब्रह्म तूं पंढरीनाथ गंगा । करी शुद्ध दासा उठीं पांडुरंगा ॥२॥
नमो विठ्ठला, पंढरीनाथ, देवा । शिरीं वाहसी शंकरा आदिदेवा ॥
सदा चंद्रभागातटीं वास व्हावा । महा पुंडलीकासमेत स्मरावा ॥३॥
"विठोबा रखूमाई" घोषमात्रें । भरे दिव्य मंदीरही, भक्त-वक्त्रें ।
कुपात्रा सुपात्रा मिळे मुक्ति स्तोत्रें । अशा त्या कटी-हस्तिं, सामर्थ्यमंत्रें ॥४॥
N/A
References : N/A
Last Updated : July 12, 2016
TOP