रुसणे

मराठी (Marathi) WN

verb  आपल्या आप्ताने केलेली गोष्ट आपल्या मनास आवडली नाही व त्यांने आर्जव करावे अशा तर्‍हेचा भावनापूर्वक कोप येणे   Ex. तिने अनेकदा बोलवल्यावर ही मी जाऊ शकले नाही म्हणून ती रुसली आहे

HYPERNYMY:

रुष्ट होणे

ONTOLOGY:

मानसिक अवस्थासूचक (Mental State) ➜ अवस्थासूचक क्रिया (Verb of State) ➜ क्रिया (Verb)

Wordnet:

asm ঠেহ লগা

bd खुद्रि

guj રિસાવું

hin रूठना

kan ಕೋಪಗೊಳ್ಳು

kas روشُن

kok फुगार जावप

mal പിണക്കത്തിലാകുക

mni ꯑꯣꯏꯅꯕ

nep रिसाउनु

ori ରୁଷିବା

pan ਨਾਰਾਜ

san रुष्

tam வெறுப்படை

tel అలుగు

urd روٹھنا , ناراض ہونا , خفاہونا , بگڑنا

महाराष्ट्र शब्दकोश

अ.क्रि.  
मित्र इ० आपल्या आप्ताने केलेली गोष्ट आपल्या मनास न आल्याने त्याने आर्जव करुन समजी करावी अशा तर्‍हेचा भावनापूर्वक कोप येणे ; ( स्वतः ) रागावणे ; ( स्वतःस ) घुस्सा येणे ; नाखूष होणे ; राग धरणे ; अबोला धरणे .
( ल . ) दूर करणे ; नाश करणे ; नाहीसे करणे . आतां तेचि हातवटी । तुज सांगे गोमटी । जया कर्माते किरीटी । कर्मचि रुचे । - ज्ञा १८ . १३५ .
झांकणे ; दडवणे . आभाळे भानु ग्रासे । तै आभाळ कोणे प्रकाशे । सुषुप्ति रुसे । तै तेंचि कोणा । - अमृ ७ . १६ .
त्याग करणे ; टाकणे . या सोपिया योगस्थिती । उकलु देखिला गा बहुती । संकल्पाचिया संपत्ती । रुसोनियां । - ज्ञा ६ . ३८७ .
( महानु . ) मारणे . आड ठाको महाकाळु । ते ही रुसैन । - शिशु ९२२ . [ सं . रुष ; फ्रें . जि . रुश ]
०फुगणे   अक्रि . रागावणे आणि चरफडणे ; घुम्यासारखे बसणे . रुसका वि . ( कों . ) बारीक सारीक गोष्टीवरुन रागावणारा किंवा रुसणारा ; वारंवार रुसणारा . [ रुसणे ] रुसवा पु . राग ; घुस्सा ; रुसण्याची क्रिया ; रुसलेपणा . रुसवाफुगवा पु . राग आणि चरफड ; हट्ट ; रुसणी ; तक्रार . मुलीकडल्यांनी मुलाकडल्या झाडून सार्‍या मानकरणींचा रुसवाफुगवा जिथल्यातिथं कसा अगदी मनाजोगा मिटवून टाकला . रुसविणे सक्रि . ( एखाद्याला न आवडणारी गोष्ट करुन त्याला ) राग किंवा घुस्सा आणणे ; नाखूष करणे ; बिघडविणे ; खोड्या काढणे . [ रुसणे चे प्रयोजक ]