चतुर्थ पटल - महाबन्धकथनम्

तत: प्रसारित: पादो विन्यस्य तमुरूपरि ॥३७॥

गुदयोनिं समाकुञ्च्य कृत्वा चापानमूर्ध्वगम् ।
योजयित्वा समानेन कृत्वा प्राणमधोमुखम् ॥३८॥

बन्धयेदूर्ध्वगत्यर्थ प्राणापानेन य: सुधी: ।
कथितोsयं महाबन्ध: सिद्धिमार्गप्रदायक: ॥३९॥

नाडीजालाद्रसव्यूहो मूर्धानं यान्ति योगिन: ।
उभाभ्यां साधयेत्पद्भ्यामेकैकं सुप्रयत्नत: ॥४०॥

भवेदभ्यासतो वायु: सुषुम्णामध्यसंगत: ।
अनेन वपुष: पुष्टिर्दृढबन्धोsस्थिपञ्जरे ॥४१॥

संपूर्णहृदयो योगी भवन्त्येतानि योगिन: ।
बन्धेनानेन योगीन्द्र: साधयेत्सर्वमीप्सितम् ॥४२॥