|
वि.
न. ( कों . ) ( विप्र . ) उडवें ; उडवी पहा .
उभा नव्हे तो ; तिर्यग ; क्षितिजसमांतर पातळींतील .
रुंद ( उभा = लांब याच्या उलट ). तो अंगानें अडवा आहे .
तिरपा ; वांकडा ; आड .
विरुध्द ; प्रतिकूल ; उलटा ; नुकसानकारक असा . त्याचें दैव अडवें आलें .
प्रतिबंध करणारा . - क्रिवि . बाजूनें ; बाजूवर ; सामोरा .
०करणें आड आणणें ; करणें .
०ठाकणें मध्यें येणें ; अडथळा करणें .
०येणें
गांठणें ; भेटणें ; मार्गांत येणें .
विरुध्द जाणें ; नाउमेद करणें . प्रतिबध करणें . हा आडवा येईल कोण पाहो । - सारु ८ . २९ .
( विप्र . अडवें येणें ) गर्भांतील मुलानें सरळ न येतां प्रसूतिद्वाराशीं वांकडे होणें ; अडून रहाणें . म्ह० ( ल . ) आडवें आलें असतां कापून काढावें = मार्गांत कोणी जबर दस्त अडथळा आणला तर त्याचा प्रथम नाश केलाच पाहिजे . लोक म्हणती आडवें आलें । खांडून काढा ॥ - दा ३ . १ . ४० .
सामोरें जाणें ; स्वागत करणें .
०घेणें १ दौषैकदृष्टीनें पाहणें ; वांकडें घेणें ; शंका घेणें .
खरडपट्टी काढणें ( विप्र . ) आडवातिडवा घेणें .
मुलाला पाजणें .
०जाणें
रस्ता ओलांडून जाणें .
सामोरें जाणें .
हरकत करणें .
०टाकणें ओलांडणें . त्याचें घर आडवें टाकून जा .
०झेलणें झोकणें टाकणें देणें ,- धोंडा , गोळा , वीट , घागर इ० वस्तू एका रांगेनें उभे राहिलेल्या लोकांच्या हातांतून एकाकडून दुसर्‍याकडे अशा देणें , नेणें . ( अडवें ) नेसणें लावून घेणें - ( बायकी ) लहान वस्त्र , तात्पुरतें ( स्नान किंवा वस्त्रांतर करतांना ) गुंडाळणें , वेढून घेणें ; उभें घेणें .
०पडणें
भांडणतंटा तोडण्यास मध्यें पडणें ; तडजोड करुं पहाणें .
लोटांगण घालणें ; दयेची याचना करणें ; उद्दिष्ट कार्य थांबविण्याविषयीं विनंति करणें .
विघ - विरोध करणें .
०बोलणें
मुद्दा सोडून बोलणें .
वांकडे बोलणें ; लावून बोलणें ; विरुध्द बोलणें . म्हणोनि घडलें बोलणें आडवें ॥ - दावि १३५ .
०लावणें
परत पाठविणें .
वस्त्रांतर करतांना किंवा स्नान करतांना आंखुड वस्त्र नेसणें ; वस्त्र अपुरें व सैल नेसणें ; उभें - आडवें नेसणें .
वांकडा अर्थ घेणें ; बोल लावणें ; निर्भत्सना करणें ; अडथळे उपस्थित करणें .
०होणें
( जमीनीवर ) आंग टाकून लोळणें - निजणें ; कलंडणें .
( ल . ) खालीं पडणें ;
लठ्ठ होणें .
आड येणें ; मध्यें येणें . अडव्या अंगाचा , अडव्या काठीचा , अडव्या बांध्याचा , अडव्या हाडाचा -
लठ्ठ .
उंचीपेक्षां जास्त रुंद ; आडवा वाढलेला . अडव्या जिभेचा - वांकडेंतिकडें बोलणारा ; दुर्भाषण करणारा ; भांडखोर . अडव्या सुडक्याची बायको , अडव्या सुडक्याची रांड - अत्यंत दीन , दुर्बल ( विधवेबद्दल किंवा एकाद्या बाईबद्दल बोलतांना ग्राम्य शिवी ). तूं लहान झालास तरी पुरुष आणि मी मोठी झाल्यें तरी अ० बायको , माझे हातून काय दरबारांत बोलवेल ? अडव्या हातानें देणें , अडव्या हातीं देणें - लांच देणें . अडव्या हातानें घेणें - ( ना . ) खरडपट्टी काढणें . अडव्यांत शिरणें -
वाम मार्गाचा अवलंब करणें ; सरळ रस्ता सोडून जाणें .
वांकडें बोलणें ; विषयांतर करणें .
|