हनुमान जयंती - मारुतीची राममयता

जेथे रामकथा तेथे प्रगटत । साहाय्यासी करित रामभक्तां ॥१॥
गुरु, रामदासां, मार्गाते दावीत । कष्ट निवारित सदा त्यांचे ॥२॥
शिवावरी भार घेत प्रापंचाचा । रामाच्या दासांचा पवनात्मज ॥३॥
जेथे रामनाम तेथे हा मारुती । ऐशी आहे ख्याती थोर जगी ॥४॥
राम गुरु, राम प्राण, राम आत्मा । राम परमात्मा, तयालागी ॥५॥
राम हे वर्चस्व, राम हे जीवन । राम समाधान, राम हर्ष ॥६॥
विनायक म्हणे सदा रामरुप । वानर-यूथप मारुती हा ॥७॥