महाराची अडोपर वेशीपाशीं

मराठी वाक्संप्रदाय - वाक्यप्रचार

   [ अडोपर = आडकाठी, अडवणूक ] महाराचें काम वेशीवर राखण करण्याचें असतें. तेव्हां त्याला जर एखाद्याला प्रतिबंध करावयाचा असेल तर तो वेशींतून आंत येतांनाच करतां येणें शक्य आहे. एकदां गांवांत प्रवेश झाल्यावर वेसकराला कांहीं प्रतिबंध करतां येत नाहीं. यावरुन एखादी गोष्ट होऊं द्यावयाची नसली तर तिला प्रतिबंध करावयाची एक योग्य वेळ असते
   ती निघून गेल्यावर मग प्रतिबंध करतां येत नाहीं. त्याप्रमाणेंच प्रतिबंध करण्याची प्रत्येकाची शक्तिहि मर्यादित असते, त्यापलीकडे त्यास प्रतिबंधहि करतां येत नाहीं.