जन्मभादष्टमं स्थानं लग्नाद्वाथ तदंशकम । त्यजेच्च सर्वकर्माणि दुर्लभं यदि जीवितम ॥४१॥
प्रवेशलग्नान्निधने यः कश्चित पापखेचरः । क्रूरक्षे हन्ति वर्षार्द्धाच्छुभर्क्षे वाष्टवत्सरात ॥४२॥
रन्ध्रात्पुत्राद्धनादायात्पञ्चस्वर्के स्थिते क्रमात । पूर्वादिशादि मुखं गेहाद्विशेद्वामो भवेद्यत ।
गुरुदेवाग्निगोविप्र ऊर्ध्वपादैर्द्धनक्षयम ॥४३॥
सौम्यं प्रत्यक्छिरो मृत्युर्वशाद्या रुक्सुतार्तिदा । प्राक्छिराः शयने विंद्याद्दक्षिणे सुखसंपदः ।
पश्चिमे प्रबलां चिन्तां हार्नि मृत्युं तथोत्तरे ॥४४॥
स्वगेहे प्राक्छिराः सुप्याच्छवाशुरे दक्षिणाशिराः । प्रत्यक्छिराः प्रवासे तु नोदक्सुप्यातकदाचन ॥४५॥
अथ शय्याशयनानां लक्षणम ॥
कथयामि समासेन दारुकर्मक्रमेण च । आयशुद्धा तथा कार्या यथा गोहरिकुञ्जराः ॥४६॥
तथैव दोलिकायानं यथाशोभं विधीयते । प्रमाणं श्रृणु विप्रेन्द्र यत्प्राप्तोऽहं बृहद्रथात ॥
कथयामि तथा शय्यां येन सौख्यमवाप्नुयात ॥४७॥
अशनस्पन्दनचन्दनहरिद्रुसुरदारुतिन्दुकीशालाः । काश्मर्यार्ज्जुनपद्मकशाकाम्राः शिंशिपा च शुभाः ॥४८॥
अशनिजलानिलहस्तिप्रपातिता मधुविहंगकृतनिलयाः । चैत्यश्मशानपथिजार्धशुष्कवल्लीविबद्धाश्च ॥४९॥
कण्टकिनो येस्युर्महानदीसंगमोद्भवा ये च । सुरप्रासादगा ये च याम्यपश्चिमदिरगताः ॥५०॥
प्रतिषिद्धवृक्षजा ये ये चान्येऽपि अनेकधा । त्याज्यास्ते दारवस्सर्वै शय्याकर्मणि कर्मवित ॥५१॥
कृते कुलविनाशः स्याव्द्याधिः शत्रोर्भयानि च ॥५२॥
पूर्वच्छिन्नं यत्र दारु भवेदारम्भयेत्ततः । शकुनानि परीक्षेत कुर्यात्तस्य परिग्रहंम ।
श्वेतपुष्पाणि दन्त्यश्च दध्यक्षतफलानि च ॥५३॥
पूर्ण कुम्भाश्च रत्नाश्च मांगल्यानि च यानि च । तानि दृष्ट्वा प्रकुर्वीत अन्यानि शकुनानि च ।
यवाष्टकानामुदरे वितुषैरंगुलं स्मृतम ॥५४॥
तेन मानेन स्थपतिः शयनादीन प्रकल्पयेत । शतांगुला तु महती शय्या स्याच्चक्रवर्तिनाम ।
अष्टांशहीनमस्यार्द्ध विस्तारं परिकीर्तितम ॥५५॥
आयामस्त्र्यंशको भागः पादोच्छ्रायः सकुक्षिकः । सामन्तानां च भवति सा षडूना तथैव च ॥
कुमाराणां च सा प्रोक्ता दशोना चैव मन्त्रिणां ॥५६॥
त्रिषट्कोना बलेशानां विंशोना च पुरोधसाम । षडंश्गीनमस्यार्द्धविस्तारं परिकीर्त्तितम ॥५७॥
आयामस्त्र्यंशको भागस्त्र्यशहीनतस्तथैव हि । पादोच्छ्रायश्च कर्तव्यश्चतुस्त्रिव्द्यंगुलौः क्रमात ॥५८॥
सर्वेषा मेव वर्णानां सार्द्धहस्तत्रयं भवेत । एकाशीत्यंगुलैः कार्या शय्या देवविनिर्मिता ॥५९॥
असनो रोगहर्ता च पित्तकृत्तिन्दुकोद्बवः । रिपुहा च्न्दनमयो धर्मायुर्यशदायकः ॥६०॥