श्रीअर्चि:स्तव:

भक्तकल्पलतिकां भयापहां
भृङ्गभोगिचिकुरां रमाकृतिम् ।
शारदाभ्रवसनां वरप्रदां
श्रीमदर्चिषमुपाश्रये मुदा ॥१॥
काम्यसर्ववरदां सुरेडितां
रम्यबुद्धिवपुषं पृथुप्रियाम् ।
मृत्युभोतिहरणीं कृपाम्बुधिं
श्रीमदर्चिषमुपाश्रये मुदा ॥२॥
शौनकादिविनुतां प्रजाप्रियां
स्वर्णवर्णतनुभां समस्तदाम् ।
संसृताब्धिघटजं नताघहां
श्रीमदर्चिषमुपाश्रये मुदा ॥३॥
वीणिकाधरकरां सुसतीमणिं
क्षोणिधृन्निभकुचां फणीट्कचाम् ।
शोणपङ्कजपदां गुणार्णवं
श्रीमदर्चिषमुपाश्रये मुदा ॥४॥