श्रीपार्थसारथिपार्थस्तोत्रम्

श्रीचेन्नपुरीस्थश्रीपार्थसारथिमन्दिरे
श्रीपार्थसारथिपार्थस्तोत्रम्
[ प्रमदानना ]

भवसाध्वसापहरौ फणीन्द्रकचौ भजत्सुरपादपौ
शरदभ्रचिद्वसनौ वरव्रजदौ पदापजिताम्बुजौ ।
दिविजालिनम्यपदौ मनोज्ञगुणौ नमत्सकलप्रदौ
हृदि पार्थसारथिपार्थकावहमाश्रयामि निरन्तरम् ॥१॥
कृतमृत्युभीशमनौ कृपाजलधी कृतार्थितसन्नतौ
भवपारदस्वपदौ फणीट्चिकुरौ वरप्रदसंस्मृती ।
जगदीडितस्वकृती घनेन्दुतनू सुरेड्यपराक्रमौ
हृदि पार्थसारथिपार्थकावहमाश्रयामि निरन्तरम् ॥२॥
परमात्मतत्त्वविदौ सुपर्णनुतौ नताघचयापहौ
नयबोधदाङ्घ्रिनतौ शशाङ्कमुखौ वराभयपाणिकौ ।
अखिलेप्सितव्रजदौ गिरीशरतौ नतात्तिंनिवारकौ
हृदि पार्थसारथिपार्थकावहमाश्रयामि निरन्तरम् ॥३॥