श्रीगौडपादार्यस्तोत्रम्

विजितधिषणतत्त्वबोधप्रदस्वर्णजिष्णुच्छवे
विजितधिषममौनिलोकार्चितव्यासजान्तेवसन् ।
विनतधरणिदेशिकेड्देशिकेण्णम्रपापापह
प्रभव विभवभूतये गौडपादार्य मे सन्ततम् ॥१॥
( द्रुतविलम्बितम् )
शुकमहर्षिविनेयशिरोमणी -
न्प्रणतहर्षपयोधिपयोधिजान् ।
धरणिदेशिकदेशिकदेशिका -
न्परगुरून्हृदि गौडपदान्भजे ॥१॥
( विषममात्रिकं वृत्तम )
विधिकमलेट्शिवाकृतिधरान्नतेष्टविभवप्रदान् -
निहतरुजानबोधहरणान्सरोजनिकरान् ।
विबुद्धनिखिलान्परमगुरून्क्षमागुरुपतेर्नतश्रमहरान्
विकारहरणान्कृतान्तभयहाञ्छमप्रदपदान् शुकायुकरजान् ।
हृदि कलयामि गौडचरणान् ॥१॥