श्रीकपिलस्तुति:

सरागदूरं विरतात्मलभ्यं
सुरव्रजार्च्यं भजदामयघ्नम् ।
प्रणम्रवाक्श्रीजितजीवशक्रं
कृपासुधाब्धिं कपिलं प्रपद्ये ॥१॥
दुर्गाग्रजातं करिमुख्यदार्चं
पापघ्नपादं भुजगेशतल्पम् ।
भाधूतमेघं शुकगीतकीर्त्तिम्
आनन्दमूर्त्तिं कपिल प्रपद्ये ॥२॥
स्पृष्टानतेष्टं चतुरर्थदार्चं
पाथोजनेत्रं स्फुटितात्मतत्त्वम् ।
जरामृतिघ्नं कुमृतिप्रणाशं
नृपत्वदार्चं कपिलं प्रपद्ये ॥३॥
जगत्त्रयेशं यमिसेविताङ्घ्रिम्
उमाधवेड्य शमसंस्प्रुगङ्घ्रिम् ।
हृतश्रुमालिं दुरितक्षमाब्धिं
यमादिदाङ्घ्रिं कपिल प्रपद्ये ॥४॥