श्रीत्रिदशनदीकलिन्दजासरस्वतीस्तव:

शरदृतुनीरदाभवसना निरस्तवार्भूकरा:
परतरसद्गतिप्रदपटूर्वरालिदानव्रता: ।
खरभववार्धिपारवितरत्तरङ्गपारम्परी -
स्त्रिदशनदीकलिन्दगिरिजासरस्वती: संश्रये ॥१॥
भवकलिताखिलार्त्तिशमनीर्भजत्सुपर्वद्रुमान्
भवकमलोद्भवादिविनुता भगीरथाद्यर्चिता: ।
त्रिभुवनपावनाम्बुवहनास्त्रिकालपापापहा -
स्त्रिदशनदीकलिन्दगिरिजासरस्वती: संश्रये ॥२॥
कृतकृतान्तसाध्वसहृती: कृतान्तहन्त्रादृता:
कृतनिजकृत्यताप्रदनुती: कृपासुधाम्भोनिधीन् ।
कृमिमुखसर्वजन्तुसुलभीकृतस्वरावासिता:
स्त्रिदशनदीकलिन्दगिरिजासरस्वती: संश्रये ॥३॥
स्तनयुगपीनताकठिनताधनत्ववैशिष्ट्यभाक् -
कनकविजिष्णुसुन्दरतनूर्भन:कलङ्कापहा: ।
विनतजनाघवारणहरीन् विनम्रपीयूषपा:
वनजजभाण्डजारविसुतासरस्वती: संश्रये ॥४॥