अभंग १

राग - सारंग

तव पदी देवा हे अंतीम मागणं ॥
करू नको परस्वाधीन मम जीणं ॥धृ॥
जोवरी अंगी शक्ती हातपाय चलन ॥
तोवरीच योग्य राही सुखी हे जीवन ॥१॥
तुझे नाम देवा अखंड घेता मुखानं ॥
बुद्धीसी ये चलना तुझे करण्या भजन ॥२॥
शरीर हे नसावे व्यापलें रोगानं ॥
तरीच शांत राहील हे चंचल मन ॥३॥
स्वस्थ चित्त होता मग लागेल ध्यान ॥
शामसुंदर कृष्ण प्रभूचे होईल दर्शन ॥४॥
आनंदमय होईल मग हे जीवन ॥
श्री पद कमली दासीचें साष्टांग नमन ॥५॥