अथैषामपवादाः सोदराणामपिसमानसंस्कारौविवाहौचसंकटेअब्दभेदात्कार्यौ चतुर्दिनव्यवधानादेकदिनव्यवधानाद्वाकार्यौ
अतिसंकटेएकदिनेकर्तृभेदेनमण्डपभेदेनवाकार्यो द्वाभ्यांकर्तृभ्यांएकस्मिन्नपिलग्नेएकस्मिन्नपिगृहेभिन्नोदरयोर्विवाहःकार्यः
एवंपूर्वोक्तनिषेधचतुष्टयेपिवर्षभेदेदोषाभावः यमलयोरेककालेएकमण्डपे वासमानसंस्काराणांनदोषः
एवंमातृभेदेपिषण्मासाभ्यन्तरेसमानसंस्कारेदोषेन मातृभेदेएकजातकन्ययोरेकदिनेएकमण्डपेपिवेदीभेदेनविवाहोनदोषायेतिकेचित्
पुरुषत्रयात्मककुलेमङ्गलकार्योत्तरंषण्मासाभ्यन्तरेमुण्डनयुक्तंकर्मनकार्यम् अत्रसर्वत्रपुरुषत्रयगणनाप्रकारःप्रतिकूलविचारेस्पष्टीकरिष्यते
मुण्डनकर्मतुचौलंनामसंस्कारादिकमाधानादिकमभ्युदयार्थमौच्छिकसर्वप्रायश्चित्तादिकंक्षौरप्रापकतीर्थयात्रादिकंचोह्यम्
व्रतबन्धस्तुकात्यायनमते मङ्गलरूपत्वाद्विवाहाद्युत्तरंकार्यः अन्येषांमतेमुण्डनरूपत्वान्नकार्यः
पित्रोरन्त्यक्रियादिप्राप्तमुण्डनमाकस्मिकप्राप्तप्रायश्चित्तमुण्डनमासन्नमरणेनसर्वप्रायश्चित्तीयमुण्डनंचकर्तव्यमेव
नित्यत्वाद्दर्शपूर्णमासचातुर्मास्यादिस्यामुण्डनेपि नदोषः नचमुण्डनंचौलमित्युक्तंव्रतोद्वाहौतुमङ्गलमिति
वचसामण्डनमुण्डनयोःपरिगणनादाधानादीनांदोषइतिवाच्यम् वाक्यस्योदाहरणार्थत्वात्
अन्यथाव्रतोद्वाहान्नचौलकमित्येववक्तव्येमण्डलान्नतुमुण्डनमितिसामान्येन वचनरचनानर्थक्यापातात्
तस्माद्गर्भाधानादिलघुमङ्गलादुद्वाहादिज्येष्ठमङ्गलाच्चाधानादिमुण्डनमपिवर्ज्यमितिभाति
एवंसतिकुलेबहुकर्मोपरोधःस्यादितिचेत् विवाहव्रतचूडोत्तरमङ्गलेषुपिण्डदानादौमासाद्यल्पकालप्रतिबन्धवत्पित्राद्यन्यमरणेल्पकालः
प्रतिकूलनिर्णयवच्चलघुमङ्गलोत्तरंमासाद्यल्पकालमुण्डननिषेधकल्पनंयुक्तिबलादाश्रयणीयमितिभाति
अत्रविषयेप्राचीननिबन्धेषुविशेषोनदृश्यतेतथापिधाष्टर्येनमयोक्तोविशेषोयुक्तश्चेदग्राह्यः
इतिमण्डनमुण्डननिर्णयः ॥