विविधवस्त्रविपूर्णकलेवरः कनकरत्नधनः प्रियदर्शनः । तृपतिवंशजनस्य च वल्लभो भवति देवगुरौ तनुगे नरः ॥१॥
सुरगुरौ धनमन्दिरसंश्रिते प्रमुदितो रुचिरः प्रमदापतिः । भवति मानधनो बहुमौक्तिकैर्गतवसुर्भविता प्रसवाह्निके ॥२॥
सहजमन्दिरगे च बृहस्पतौ भवति बन्धुगतार्थसमन्वितः । कृपणतामपि गच्छति कुत्सिते धनयुतोऽपि सदा धनहानिमान् ॥३॥
सन्माननानाधनवाहनाद्यैः संजातहर्षः पुरुषः सदैव । नृपानुकंपासमुपात्तसंपद्दम्भोलिभृन्मन्त्रिणि भूतलस्थे ॥४॥
सुत्दृदता च सुत्दृज्जनवन्दितः सुरगुरौ सुतगेहगते नरः । विपुलशास्त्रमतिः सुख भाजनं भवति सर्वजनप्रियदर्शनः ॥५॥
करिहयैश्च कृशाङ्गतनुर्भवेज्जयति शत्रुकुलं रिपुगे गुरौ । रिपुगृहे यदि वक्रगते गुरौ रिपुकुलाद्भयमातनुते विभुः ॥६॥
युवतिमन्दिरगे सुरयाजके नयति भूपतितुल्यसुखं जनः । अमृतराशिसमानवचाः सुधीर्भवति चारुवपुः प्रियदर्शनः ॥७॥
विमलतीर्थकरश्च बृहस्पतौ निधनता न मनःस्थिरता यदा । धनकलत्रविहीनकृशः सदा भवति योगपथे निरतः परम् ॥८॥
सुरगुरौ नवमे मनुजोत्तमो भवति भूपतितुल्यधनी शुचिः । कृपणबुद्धिरतः कृपणः सुखी बहुधनः प्रमदानजनवल्लभः ॥९॥
दशममन्दिरगे च बृहस्पतौ तुरगरत्नविभूषितमन्दिरः । भवति नीतिगुणैर्बुधसंयुतः परवराङ्गणवर्जितधार्मिकः ॥१०॥
व्रजति भूमिपतेः समतां धनैर्निजकुलस्य विकारकरः सदा । सकलधर्मरतोऽर्थसमन्वितो भवति चायगते सुरयाजके ॥११॥
शिशुदशाभवने त्दृदि रोगवानुचितदानपराङमुख एव च । कुलधनेन सदा कुलदांभिको भवति पापगृहे च बृहस्पतौ ॥१२॥