अथ दत्तसहस्त्रनाम प्रारभ्यते .
श्रीगणेशायनमः निर्विघ्नमस्तु ॥ श्रीदत्तात्रेयायनमः ॥
कदाचित्छंकराचार्यश्विंतयित्वा दिवाकरं ॥ किं साधितं मया लोके पूजनैश्वैववंदनैः ॥१॥
बहु काले गते तस्य दत्तात्रेयो महामुनिः ॥ स्वप्ने प्रदर्शयामास दिव्यं रूपमनुत्तमं ॥२॥
उवाच शंकरं स्तोत्रं ममैतदवधारय ॥ प्राप्यसे त्वं सर्वसिद्धिं स्तोत्रमेवात्र कारणं ॥३॥
उपदेक्ष्ये दत्तनाम सहस्त्रं देवपूजितं ॥ ज्ञातुं वक्तुमशक्यं च रहस्यं मोक्षकामदं ॥४॥
जपेषु पुण्यतीर्थेषु चांद्रायणशतेषु च ॥ यज्ञ - व्रतादिदानेषु सर्वपुण्यफलप्रदं ॥५॥
दशवारं जपेन्नित्यं सर्वंसिध्यत्यसंशयं ॥ एकेनोच्चारमात्रेण तत्स्वरूपं लभेन्नरः ॥६॥
योगत्रयं च लभते सर्व योगान्न संशयः ॥ माता - पितृस्वसृणां च हत्यादिर्वा विनश्यति ॥७॥
अनेन यः किमित्युक्त्वा रौरवं नरकं व्रजेत् ॥ पठितव्यं श्रावितव्यं श्रद्धाभक्तिमसन्वितैः ॥८॥
संकलीकृतपापैश्व मलिनीकरपातकैः ॥ पापकोटिसहस्त्रैश्व मुच्यते नात्र संशयः ॥९॥
यद्वृहे संस्थितं स्तोत्रं दत्तनाम्नां सहस्त्रकं ॥ सर्ववश्यादिकर्मापि समुच्चार्य जपेत्ध्रुवं ॥१०॥
तत्कार्यंचैव लभतेमोक्षवान् योगवान भवेत ॥ अस्य श्रीमद्दत्तात्रेयसहस्त्रनामस्तोत्रमंत्रस्य ॥
ब्रह्मरुद्रऋषी ॥ गायत्रीछंदः ॥ श्रीमद्दत्तपुरुषपरमहंसपरमात्मा देवता ॥ हंसोहंसायविद्महे इति बीजं ॥
सोहंसोहंचधीमहीतिशक्तिः हंसःसोहंप्रचोदयात् ॥ इतिकीलकं ॥ श्रीपरमपुरुषपरमहंसपरमात्मप्रीत्यर्थे
श्रीदत्तसहस्त्रनास्तोत्रजपेविनियोगः ॥ अथन्यासः ॥ ॐ सोहंगणेशाय अंगुष्टाभ्यांनमः ॥
हंसःप्रजापतये तर्जनीभ्यां० हंसोमहाविष्णवे मध्यमाभ्यां० हंसःशंभवे अनामिकाभ्यांनमः ॥
हंसःप्रजापतये कनिष्ठिकाभ्यां नमः ॥ हंसोगुरवे करतलकरप्टष्ठाभ्यांनमः ॥
अथ हृदयादिन्यासः - हंसःसोहं श्रीपरमाय ह्रदयाय० ॥ हंसः सोहं पुरुषाय शिरसे० ॥
हंसः सोहं परमहंसाय शिवायैवषट् ॥ हंसः सोह दत्तात्रेयाय कवचायहुं ॥
हंस सोहं परमात्मने नेत्रत्रयाय वौषट् ॥ हंसः सोहं प्रचोदयात् अस्त्रायफट् ॥
ॐ भूर्भुवः स्वरोमिति दिग्बंधः ॥ अथ ध्यानं - बालार्कप्रभमिंद्रनीलजटिलं भस्मांगरागोज्वलं
शांतं नादविलीनचित्तपवनं शार्दूलचर्मांबरम् ॥ ब्रह्मज्ञैः सनकादिभिः परिवृतं
सिद्धैर्महायोगिनं दत्तात्रेयमुपास्महे हृदि मुदा ध्येयं सदा योगिभिः ॥१॥
ॐ ॥ श्रीमान्देवो विरूपाक्षो निपुणः पुरुषोत्तमः ॥ ब्रह्माक्षरो यतिर्नाथो दीनबंधुः कृपानिधिः ॥१॥
सारस्व्तो मुनिर्मुख्यस्तेजस्वी भक्तवत्सलः ॥ धर्माघर्ममयो धर्मो धर्मदो धर्मभावनः ॥२॥
भाग्यदो भोगदो भोगी भाग्यवान् भानुरंजनः ॥ भास्करो भयहर्ता च भवभूर्भवतारणः ॥३॥
कृष्णो लक्ष्मीपतिर्देवः पारिजतापहारकः ॥ सह्याद्रिनिलयः शंभूर्वेंकटाचलवासकः ॥४॥
कोल्हापुरः श्रीजपवान माडुरोर्जितभिक्षकः ॥ सेतुतीर्थविशुद्धात्मा रामध्यानपरायणः ॥५॥
रामचित्तो रामगुरू रामात्मा रामदैवतः ॥ रामशिष्यो रामराज्ञो रामैकाक्षरतत्परः ॥६॥
श्रीरामचंद्रविख्यातो राममंत्राब्धिपारगः ॥ रामभक्तो रामसखा रामवान् रामहर्षणः ॥७॥
अनुसूयात्मजो देवो दत्तश्वात्रेयनामकः ॥ सुरुपः सुमतिः प्राज्ञः श्रीदो वैकुंठवल्लभः ॥८॥
विराजस्थानकः श्रेष्ठः सर्वोनारायणः प्रभुः ॥ कर्मज्ञः कर्मनिरतो नृसिंहो वामनोच्युतः ॥९॥
कविः काव्यो जगन्नाथो जगन्मूर्तिरनामयः ॥ मत्स्यः कूर्मो वराहश्व हरिः कृष्णो महास्मयः ॥१०॥
रामो रामो रघुपतिर्बुद्धः कल्की जनार्दनः ॥ गोविंदो माधवो विष्णुः श्रीधरो देवनायकः ॥११॥
त्रिविक्रमः केशवश्व वासुदेवो महेश्वरः ॥ संकर्षणः पद्मनाभो दामोदरवरः शुचिः ॥१२॥
श्रीशैलवनचारी च भार्गवस्थानकोविदः ॥ अहोबलनिवासी च स्वामिपुष्करणीप्रियः ॥१३॥
कुंभकोणनिवासी च कांचीवः सीरसेखरः ॥ रसानुभक्तो सिद्धेशः सिद्धिमान् सिद्धिवत्सलः ॥१४॥
सिद्धरूपः सिद्धिविधिः सिद्धाचारप्रवर्तकः ॥ रसाहारो विषाहारो गंधकादिप्रवेशकः ॥१५॥
योगी योगपरो राजा धृतिमान् मतिमान् सुखी ॥ बुद्धिमान् नीतिमान् बाल - उन्मत्तो ज्ञानसागरः ॥१६॥
योगिस्तुपो योगिवंधो योगिचंद्रो यतिश्वरः ॥ योगादिमान् योगरूपो योगी योगिषु पूजितः ॥१७॥
कृष्णयोगी द्दढप्राज्ञो लंबिकायोगवान् द्दढः ॥ खेचरश्व खगः पूषा रश्सिमान् भूतभावनः ॥१८॥
ब्रह्मज्ञः सनकादीज्यः श्रीपतिः कार्यसिद्धिमान् ॥। स्ष्टष्टास्ष्टष्टविहीनात्मा योगज्ञो योगमूर्तिमान् ॥१९॥
मोक्षश्रीर्मोक्षदो मोक्षी मोक्ष रूपो विशेषवान् ॥ सुखप्रदः सुखः सौख्यः सौख्यरूपः सुखात्मकः ॥२०॥
रात्रिरूपो दिवारूपः संध्यात्मा कालरूपकः ॥ कालः कालविकर्णश्व बलप्रभुरतुल्यकः ॥२१॥
सहस्त्रशीर्षापरुषो वेदात्मा वेदपारगः ॥ सहस्त्रचरणोनंतः सहस्त्राक्षां जितेंद्रियः ॥२२॥
स्थूलः सूक्ष्मो निराकारो निर्मोहो भक्तमोहवान् ॥ महीयान परमाणुश्व जितक्रोधो भयापहः ॥२३॥
योगानंदप्रदायी च योगो योगविशारदः ॥ नित्यो नित्यात्मवान् योगी नित्यपूर्णो निरामयाः ॥२४॥
दत्तात्रेयो देवदत्तो योगी परमभास्वरः ॥ अवधूतः सर्वनाथः सत्कर्ता पुरुषोत्तमः ॥२५॥
ज्ञानी लोकविभुः कांतः शीतोष्णसमबुद्धिकः ॥ विद्वोषिजनसंहर्ता धर्मबुद्धिविचक्षणः ॥२६॥
नित्यतृप्तो विशोकश्व द्विभुजः कामरूपकः ॥ कल्याणाभिजनो धीरो विशिष्टः सुविचक्षणः ॥२७॥
श्रीमद्भागवतार्थज्ञो रामायणविशेषवान् ॥ अष्टादशपुराणज्ञः षट्दर्शनविजृंभकः ॥२८॥
निर्विकल्पः सुरश्रेष्ठ उत्तमो लोकपूजितः ॥ गुणातीतो गुणी पूर्णो ब्रह्मण्यो द्विजसंवृतः ॥२९॥
दिगंबरो महाज्ञेयो विश्वात्मा च परायणः ॥ वेदांतः श्रवणो वेदी कलावान्निष्कलंकवान् ॥३०॥
मितभाष्यो मिताभाषी सौम्यो रामो जयःशिवः ॥ सर्वजित्सर्वसौभद्रो जयाकांक्षी सुखावहः ॥३१॥
प्रत्यर्थ्यकीर्तिसंहर्ता मंदारार्चितपादुकः ॥ वैकुंठवासी देवेशो विरजास्त्रानमानसः ॥३२॥
श्रीमेरुनिलयो योगी वालार्कसमकांतिमान ॥ रक्तांगः श्यामलांगश्व बहुवेषो बहुप्रियः ॥३३॥
महालक्ष्म्यन्नपूर्णेशः स्वधाकारो यतीश्वरः ॥ स्वर्णरूपः स्वर्णदायी मूलिकायंत्रकोविदः ॥३४॥
अचिंत्यमूलिकायंत्रो भक्ताभीष्टप्रदो महान् ॥ शांताकारो महामायो माहुरस्थो जगन्मयः ॥३५॥
महाशनश्व सूक्ष्माशी निराहारो निरुद्यमः ध्यानात्मा ध्यानयोगात्मा ध्यानस्थो ध्यानतत्परः ॥३६॥
सत्यध्यानः सत्यमयः सत्यरूपनिजाकृतिः ॥ त्रिलोकगुरुरेकात्मा भस्मोद्धूलितविग्रहः ॥३७॥
प्रियाप्रियसमः पूर्णो लाभालाभसमप्रियः ॥ सुख - दुःखसमो धीमान् हिताहितसमप्रियः ॥३८॥
गुरुर्ब्रह्मा च विष्णुश्वमहाविष्णुः सनातनः ॥ सदाशिवो महेंद्रश्व गोविंदो मधुसूदनः ॥३९॥
कर्ता कारयिता रुद्रः सर्वचारी तु याचकः ॥ संपत्प्रदो वृष्टिरूपस्तपोरुपस्तपप्रियः ॥४०॥
तपोमूर्तिस्तपोराशिस्तपस्वी च तपोधनः ॥ तपोमयस्तपः शुद्धो जनको विश्वसृड् विधः ॥४१॥
तपःसिद्धस्तपः साध्यस्तपः कर्ता तपःक्रतुः ॥ तपःशमस्तपःकीर्तिस्तपोदारस्तपोमयः ॥४२॥
तपोरेतास्तपोज्योतिस्तपात्मा चात्रिनंदनः ॥ निःकल्मषो निष्कपटो निर्विघ्नो धर्मभीरुकः ॥४३॥
वैधुतस्तारकः कर्म वैदिको ब्राह्मणो यतिः ॥ नक्षत्रतेजा दीपात्मा परिशुद्धो विमत्सरः ॥४४॥
जटिः कृष्णाजिनधरो व्याघ्रचर्मधरो वशी ॥ जितेंद्रियश्वीरवासाः शुक्लवस्त्रोंबरो हरिः ॥४५॥
चंद्रानुजश्वंद्रमुखः शुक्लयोगी वरप्रदः ॥ दिव्ययोगी पंचतपा माषः षाड्वत्सरासनः ॥४६॥
भूतज्ञो वर्तमानज्ञो ह्येष्यज्ञो धर्मवत्सलः ॥ प्रजाहितः सर्वहितो ह्यनिंद्यो लोकवंदितः ॥४७॥
आकुंचयोगसंबद्धमलमूत्ररसादिकः ॥ कनकीभूतनिलयो जयो योगविचक्षणः ॥४८॥
शकटादिविशेषज्ञो लंबिकानित्यतत्परः ॥ प्रपंचरूपी बलवानेककौपीनवस्त्रकः ॥४९॥
दिगंबरः सोत्तरीयः सजटी सकमंडलुः ॥ निर्दंडश्व सदंडश्व स्त्रीवेषी पुरुषाकृतिः ॥५०॥
तुलसीकाष्ठमाली च रौद्रस्फटिकमालिकः ॥ निर्मालिकः शुद्धतरः स्वेच्छामरणवान्परः ॥५१॥
ऊर्ध्वपंड्रस्त्रिपुंड्रांको द्वंद्वहीनः सुनिर्मलः ॥ निर्जटः सजटो हेयो भस्मशायी सुभोगवान् ॥५२॥
मूत्रस्पर्शो मलस्पर्शो जातिहीनः सुनिर्मलः ॥ अभक्षभक्षो निर्भक्षो जनदूषितदेहवान ॥५३॥
भूषूणा दूषणसमः कालोकालो दयानिधिः ॥ बालप्रियो बालकविर्बलवानतिबालकः ॥५४॥
बालक्रीडो बालरतो बालसंघवृतो बली ॥ बाललीलाविनोदश्व कर्णाकर्णार्षिकारकः ॥५५॥
रथ्यानीकवणिक पण्यो गुडसूपाद्यभक्षकः ॥ बालक्रीडीतसंत्द्दष्टो मुष्टियुद्धकरश्वलः ॥५६॥
अद्दश्यो द्दश्यमानश्व द्वंद्वयुद्धप्रवर्तकः ॥ पक्वायमानो बालाढयो हासबालसुसंगतः ॥५७॥
प्रत्यागतः पुनर्गच्छच्चक्रबाहुर्मनःफलः ॥ चोरवद्धतसर्वस्वो जडताडितदेहवान् ॥५८॥
प्रहसन्प्रवदो दत्तो दिव्यमंगलविग्रहः ॥ मायाबालश्व मायावी पूर्णलीलो मुनीश्वरः ॥५९॥
माहुरेशी विशुद्धात्मा यशस्वी कीर्तिमाल्यवान् ॥ सविकल्पः सच्चिदाभो गुणवान् सौम्यभावनः ॥६०॥
पिनाकी शशिमौलिश्व वासुदेवो दिवस्पतिः ॥ सुशिराः सूर्यतेजश्व त्रिभंगीरोष्ठउन्नतः ॥६१॥
दशपद्मस्त्रिशीर्षश्व लोकव्याप्तो द्विशुक्लवान् ॥ त्रिरात्रिश्व त्रिताम्रश्व त्रिलोकश्व त्रियंबकः ॥६२॥
चतुरंगस्त्रिवर्णश्व त्रिकामो हंसवाहनः ॥ चतुष्कलश्वतुर्दंष्ट्रो गतिः शंभुः प्रियोम तः ॥६२॥
चतुर्गतिर्महादंष्टो वेदांगी चतुराननः ॥ पंचसिद्धो महायोगी महाद्वादशगोऽनघः ॥६४॥
चतुर्मुखो नरतनुरजेयश्वाष्टवंशवान् ॥ चतुर्दशसुवद्वंद्यो मुकुरांको दशांशवान् ॥६५॥
वृषांको वृषभारूढश्वंद्रतेजाः सुदर्शनः ॥ सामप्रियो महेशानश्विदाकारो नरोत्तमः ॥६६॥
दयावान् करुणापूर्णो महेंद्रो माहुरेश्वरः ॥ वीरासनसमासीनो रामो रामपरायणः ॥६७॥
इंद्रो वन्हिर्यमः कांतो निऋतिर्वरुणालयः ॥ वायुश्वंद्रश्व ईशानो लोकपालो महायशाः ॥६८॥
यक्ष - गंधर्व - नागाश्व किंनरः सिद्धरूपकः ॥ विद्याधरश्वाधिपतिश्वारणः पन्नगेश्वरः ॥६९॥
चंडिकेशः प्रचंडश्व घंटानादरतः प्रियः ॥ वीणाध्वनिर्वैनतेयो नारदस्तुंबुरुर्धनः ॥७०॥
वीणाप्रचंडसौंदर्यो राजीवाक्षश्व मन्मथः ॥ चंद्रो दिवाकरो गोपः केसरी सोमसोदरः ॥७१॥
सनकः शुकयोगी च नदी षण्मुखरागकः ॥ गणेशो विघ्नराजश्व चंद्राभो विजयो जयः ॥७२॥
असितः कालचक्रश्व तामसः कालदंडवान ॥ विष्णुश्वक्रत्रिशूलध्रो ब्रह्मदंडो विरुद्धकः ॥७३॥
ब्रह्मास्त्ररूपी सत्येंद्रः कीर्तिमान् गोपतिर्भवः ॥ वसिष्ठो वामदेवश्व जाबालिः कार्यरूपकः ॥७४॥
सर्वर्तुरूपो मौद्नल्यो मार्कंडेयश्व कश्यपः ॥ त्रिजटो गार्ग्यरूपश्व चारुनासो महोदयः ॥७५॥
त्वष्टा निशाकरः कर्म कश्यपश्वारुरूपवान् ॥ जमदाग्निः सर्वरूपः सर्वानंदो यतीश्वरः ॥७६॥
अश्वरूपी वैद्यपतिर्गरकंठोंबिकार्चितः ॥ चिंतामणिः कल्पवृक्षो रत्नाब्धिरुदधिप्रियः ॥७७॥
महामंडूकरूपी च कालाग्निसमविग्रहः ॥ आधारशक्तिरूपी च कूर्मः पंचाग्निपकः ॥७८॥
क्षीरार्णवो महीरूपो वराहश्वेप्सितावनिः ॥ ऐरावतोर्जुनः पद्मो वामनः कुमुदात्मवान् ॥७९॥
पुंडरीकः पुष्पदंतो मेघच्छत्रोभ्रचारकः ॥ सितोत्पलाभो द्युतिमान् मूढोरस्कः सुरार्चितः ॥८०॥
पद्मनामः सुनाभश्व दशशीर्षा शतोदरः ॥ अवाङमुखः पंचवक्त्रो रक्षकात्मा द्विरूपवान् ॥८१॥
स्वर्णमंटपसंचारी वेदिस्थः सर्वपूजितः ॥ सुप्रसन्नः प्रसन्नात्मा स्वभक्ताभिमुखो मृदुः ॥८२॥
अवाहितः सन्निहितो वरदो ज्ञानवान स्थिरः ॥ शालग्रामात्मकोध्येयो रत्नसिंहासने स्थितः ॥८३॥
अर्ध्यप्रियः पाद्यतुष्टः स्वजनार्चितपादुकः ॥ पंचामृतस्नानविधिः शुद्धोदकसुसेचितः ॥८४॥
गंधाक्षतैः सुसंप्रीतः पुष्पालंकारभूषणः ॥ अंगपूजाप्रियः सर्वो महाकीर्तिर्महाभुजः ॥८५॥
नानापूजाविशेषज्ञः सर्वनामस्वरूपकः ॥ धूपितो दिव्यरूपात्मा दीपितो बहुदीपवान् ॥८६॥
बहुनैवेद्यसंहृष्टो नीराजनविराजितः ॥ सर्वार्थरंजितो नंदः सौख्यवान्धनलार्जनः ॥८७॥
विरागो निर्विरोगश्व पैशाचांगो विभूतिकः ॥ उन्मत्तो भ्रांतचित्तश्व शुभचित्तः शुभाकृतिः ॥८८॥
सुरैरिष्टो लघिष्ठश्व बहिष्ठो बहुदायकः ॥ महिष्ठः सुमहौजाश्व बलिष्ठह सुप्रतिष्ठकः ॥८९॥
काशीगंगांबुमज्जश्व कोल्हाश्रीमंत्रजापकः ॥ त्रिपुंड्रांकितभालश्व सर्वंगालिप्तभूतिकः ॥९०॥
अनादिनिधनो योगो भार्गवी द्युः सनातनः ॥ तापत्रयोपशमनो वनवासो महोदयः ॥९१॥
ज्येष्ठः श्रेष्ठो महारुद्रः कालमूर्तिः सुनिश्वयः ॥ ऊर्ध्वः समूर्ध्वलिंगश्व हिरण्यो हेमलिंगवान् ॥९२॥
सुवर्णः स्वर्णलिंगश्व दिव्यमूर्तिर्दिवस्पतिः ॥ दिव्यलिंगो भवो भव्यः सर्वलिंगस्तु सर्वकः ॥९३॥
शिवलिंगः शिवमयो ज्वलितोज्ज्वललिंगवान ॥ आत्माचैवात्मलिंगश्व परमो लिंगपारगः ॥९४॥
सोमःसूर्यो लिंगपाणिः करपात्रः पवित्रवान् ॥ सद्योजातस्तमोरूपो भवोद्भव अनीश्वरः ॥९५॥
तत्स्वरूपश्व सविता वरेण्यश्व प्रचोदनः ॥ दूरद्दष्टिर्दूरगतो दूरः श्रवणतर्पितः ॥९६॥
योगपीठस्थितो विद्वान्नमस्कारितरासभः ॥ नमस्कृतः पुनश्वापि वज्राकृतिरितीक्षणः ॥९७॥
ज्वलन्मुखः प्रतिर्वाणीसखड्गो द्रावितप्रजः ॥ पशुघ्नश्व रसोन्मत्तो रसोर्ध्वमुखरंजितः ॥९८॥
रसप्रियो रसात्मा च रसरूपो रसेश्वरः ॥ रसाधिदैवतो भूमो रसांगो रसभावानः ॥९९॥
रसमयो रसकश्वैव रसेंद्रो रसपूजकः ॥ रससिद्धः सिद्धरसां रसद्रव्यो रसोन्मुखः ॥१००॥
रसांकितो रसापूर्णो रसदो रसिको रसः ॥ गंधकादस्तालकादो गौरीस्फटिकसेवनः ॥१०१॥
कायसिद्धः कायरुचिर्बद्रुकायस्तु कायवान् ॥ अभेदी जनकर्ता च शंख - चक्र - गदाधरः ॥२॥
कृष्णाजिनो किरीटी च श्रीकृष्णाजिनकंचुकः ॥ मृगरुपी मृगेंद्रश्व गजरूपो गजेश्वरः ॥३॥
द्दढव्रतः सत्यवादी कृतज्ञो बलवान्बलः ॥ गुणवान वीर्यवान्दाता कृतशोभी दुरासदः ॥४॥
सुचरित्रो भूतहितः समर्थश्वांडनायकः ॥ संपूर्णद्दष्टिरक्षुद्रो जनैकप्रियदर्शनः ॥५॥
नियतात्मा पद्मधरो ब्रह्मवांस्थानसूचकः ॥ उछठ्ठत्तिरवीक्षश्व राजयोगी सुमालिकः ॥६॥
सुकुमारो जराहीनश्वोरघ्नो मदिरेक्षणः ॥ सुपादः स्वंगुलीकश्व सुनाभो जघनोत्तमः ॥७॥
सुपार्श्वः सुस्तनो नीलःसुवक्षः शुभजानुकः ॥८॥
नीलग्रीवो महास्कंधः सुभुजो दिव्यजंघकः ॥ सुहस्तरेखो लक्ष्मीवान दीर्घप्टष्ठोथ निश्वलः ॥९॥
बिंबोष्ठः शुभदंतश्वै विद्युज्जिव्हः सुतालुकः ॥ दीर्घनासाः सुताम्रोष्ठः सुकपोलः सुकर्णकः ॥१०॥
उन्मीलितो मीलितश्व विशालाक्षश्व सुभ्रुकः ॥ सुभ्रूमध्यः सुभालश्व सुशिरा नीललोमकः ॥११॥
विशाखो ग्रामणी स्कंदः शिखिवर्णो विभावसुः ॥ कैलासेशो विचित्रज्ञो वैकुंठेंद्रो विचित्रवान ॥१२॥
मानसेंद्रश्वक्रबालो महेंद्रो मंदराधिपः ॥ मलयो विंध्यरूपश्व हिमवान् मेरुरूपकः ॥१३॥
सुवेलाचलरूपात्मा मैनाको गंधमादनः ॥ विंध्याचलश्व वेलाद्रिः श्रीशैलः कर्कवासकः ॥१४॥
नागाचलश्वित्रकूटो दुर्वासाः पर्वतात्मकः ॥ यामुनः कृष्णवेणीशो भद्रेशो र्गातमीपतिः ॥१५॥
गोदावरीशो गंगात्मा शोणकः कौशिकीपतिः ॥ नर्मदेशस्तु कावेरी ताम्रपर्णीचरोजटी ॥१६॥
सरिद्रूपो नदात्मा च समुद्रुः सरिदीश्वरः ॥ ल्हादिनीशः पावनीशो मालिनीशः सुचक्षुमान् ॥१७॥
सितानदीपतिः सिंधू देवेशः सुरसापतिः ॥ लवणेक्षुः क्षीरनिधिः सुधाभिः पर्पिरंबुधिः ॥१८॥
दध्याब्धिः शुचिजालाब्धिस्तत्स्वरूपो धनाधिपः ॥ भूपालमधुरागज्ञो मालवीरागकोविदः ॥१९॥
गूढक्रियाज्ञः श्रीरामो नानारागार्णवांतगः ॥ वेदादिरूपो र्हींरूपो र्हंरूपः क्लींविकारकः ॥२०॥
भ्रंमयः क्लींमयः प्रख्यो द्वंमयः क्रोंमयो भटः ॥ छ्रिंमयो लुंमयो गांगो ठांमय खंमयः खग ॥२१॥
घंमयो ङंमयश्वांगो विच्छंगो बीजजंमयः ॥ उंकरष्टोंकरष्टुंगो डंकरो ढंकरोणुभाक् ॥२२॥
टंकरस्तुंगो द्रांमुद्रो द्रींमुद्रारूपकः सुधीः ॥ दक्षो दंडी दानवघ्नस्तथातिद्वंद्ववान्मदः ॥२३॥
धंरूपो नंस्वरूपश्व पंकजाक्षश्व कंमयः ॥ ब्रह्मेंद्रो मधुभोक्ता च भंदरेतास्तु मंमयः ॥
रांमयो रिंकरो रंगो लंकरोवंमयस्करः ॥ शंकरः षण्मुखो हंसः संकरः क्षंकरः क्षयः ॥२५॥
ॐ मित्येकाक्षरात्मा च सर्वबीस्वरूपकः ॥ श्रीकरः श्रीपदः श्रीशः श्रीनिधिः श्रीनिकेतनः ॥२६॥
पुरुषोत्तमः सुखो योगी दत्तात्रेयो हरिप्रियः ॥ सत्ययुक्तः सदाथोगी निरंततपसोधिपः ॥२७॥
पुरुषोत्तमो यतिःश्रेष्ठो दत्तात्रेयः सुखात्मवान् ॥ वसिष्ठ वामदेवान्यो दत्तः पुरुष ईडितः ॥
ॐ श्रीदत्तः पुरुषईडिता ॐ नम इति ॥२८॥
य इदं श्रृणुयान्नित्यं ब्रह्मसायुज्यतां वृजेत ॥ स यावत्तिष्ठते यस्मिन् तावत्तिष्ठति तत्सुखी ॥२९॥
भुक्तिर्मुक्तिः करस्थास्य नात्र कार्या विचारणा ॥ आयुष्मत्पुत्रपौत्रांश्व दत्तात्रेयः प्रदर्शयन् ॥३०॥
धन्यं यशस्यमायुष्यं पुत्रारोग्यविवर्धनम् ॥ करोति लेखनादेव परार्थं वा न संशयः ॥३१॥
यःकरोत्युपदेशं च दत्तनामसहस्त्रकम् ॥ स चापि याति सायुज्यं श्रीमाँच्छ्रीमान्नसंशयः ॥३२॥
पठनाछ्रवणाद्वापि सर्वान्कामानवाप्नुयात् ॥ खेचरत्वं कार्यसिद्धिं योगसिद्धिमवाप्नुयात् ॥३३॥
ब्रह्मराक्षस - वेताळैः पिशाचैः कामिनीमुखैः ॥ पीडाकरैर्दुः खकरैर्ग्रहदुष्टैर्नबाध्यते ॥३४॥
दुरावासोपि मुच्येत सकृदुच्चारणेन तु ॥ यस्मिन्देशे स्थितं चैतत पुस्तकं दत्तनामकम् ॥३५॥
पंचयोजनविस्तारं रक्षयेन्नात्र संशयः ॥ सर्वबजिसमायुक्तं स्तोत्रं नामसहस्त्रकम् ॥३६॥
सर्वमंत्रस्वरूपं च दत्तात्रेयस्वरूपकम् ॥ एकवारं पठित्वा तु ताम्रपात्रे जलं स्प्टशन ॥३७॥
पीत्वाच सर्वरोगैश्व मुच्यते नात्र संशय़ः ॥ स्त्रीवश्यं पुरुषवश्यं च राजवश्यं जयावहम् ॥३८॥
संपत्प्रदं मोक्षकरं पठेन्नित्यमतंद्रितः ॥ र्हीयतेस्मिन् प्रपंचार्थो वैरिशोकादिकारकः ॥३९॥
पठनात्तु प्रसन्नोहं शंकराचार्यबुद्धिदः ॥ भविष्यामि न संदेहः पठनात्प्रातरेव हि ॥४०॥
उपदेक्ष्ये सर्वयोगाँल्लंबिकादिबहुज्वरान् ॥ दत्तात्रेयस्त्वेवमुक्त्वास्वप्ने चांतरधीयत ॥४१॥
स्वप्नादुथ्थाय चाचार्यः शंकरो विस्मयं गतः ॥ स्वप्नोपदेशितं स्तोत्रं दत्तात्रेयेण योगिना ॥४२॥
सहस्त्रनामकं दिव्यं पठित्वा योगवान् भवेत ॥ ज्ञानयोगं यतित्वं च परकायप्रवेशनम् ॥४३॥
बहुविद्या खेचरत्वं दीर्घायुस्तत्प्रसादतः ॥ तदारभ्य भुवि श्रेष्ठः प्रसिद्धश्वाभवद्यतिः ॥१४४॥
इति श्रीमच्छंकराचार्यस्वप्नावस्थायां दत्तात्रेयोपदिष्टं सकलपुराणवेदोक्तप्रपंचार्थसारवत्सहस्त्रनामस्तोत्रं संपूर्णम् ॥
श्रीगुरुदत्तात्रेयार्पणमस्तु ॥ दत्तात्रेयो हरिः कृष्णो उन्मादोनंददायकः ॥ मुनिर्दिगंब्रो बालो पिशाचो ज्ञानसागरः ॥१॥
एतानि दशनामानि सर्वकाले सदा पठेत ॥ भूतापस्मारकोष्ठार - तापज्वरनिवारणम् ॥२॥
कदा योगी कदा भोगी कदा नग्नपिशाचवत् ॥ अनुसूयागर्भसंभूतो दत्तात्रेयो महामुनिः ॥३॥
इतिदत्तात्रेय दशनामस्तोत्रं संपूर्णम् ॥ श्रीदत्तं नारदं व्यासं शुकंच पवनात्मजम् ॥
कार्तवीर्यं च गोरक्षं सप्तैते स्मृतिगामिनः ॥१॥
कृतवीर्यसुतो राजा सहस्त्रभुजमंडलः ॥ अवतारो हरेः साक्षात् पालयेत्सकलांमहीम् ॥२॥
इति श्रीगुरुदत्तात्रेयसहस्त्रनामस्तोत्रं संपूर्णम् ॥ श्रीगुरुदेवदत्तात्रेयार्पणमस्तु ॥