विठाचे अभंग - साधुसंतजना करितों प्रार्थ...

साधुसंतजना करितों प्रार्थना । भेटवा देवराणा द्वारकेचा ॥१॥
तनमन प्राण वेधले त्याचे पायीं । येऊनियां राही ह्रदयकमळीं ॥२॥
गोपाळाचे मेळीं खेळे वनमाळी । यमुने पाबळी वेणु वाहे ॥३॥
शंख चक्र करीं मोरपिच्छ शिरीं । कानीं मकराकारी मुक्ताफळें ॥४॥
गळां वनमाळा कासे सोबसळा । देखूनि व्रजबाळा तन्मय झाल्या ॥५॥
नंदाचे नंदनें मोहियेलें मन । लामलेंसे ध्यान गोविंदाचें ॥६॥
विठा नामयाचा चरणींचा रज । भेटवा यादवराज द्वारकेचा ॥७॥