विठाचे अभंग - माझे बापाचे निधनें वडिवार...

माझे बापाचे निधनें वडिवार बोलसी । ते तूं घेवोनि आलासी उजागरपणें ॥१॥
उगलाची देईं लावूं नको दावा । केशवासी ठावा आहे तुझा जीवभाव ॥२॥
सरता पुरता आमुचेनि झालासी । तें तूं आणिका सांगसी कोण्या तोंडे ॥३॥
सांगतां बहुत होईल पैं व्याजें । मग सोई मज तुज लाविती कां ॥४॥
ते म्हणती ऋणबोडा हा ठायींचा । अहो यासी बोला वाचा बुद्धिवंती ॥५॥
तूं नामयाच्या विठया धीर आणि चतुर । तुजसी खेचर काय बोलिला ॥६॥