बालगीत - आईसारखे दैवत सा र्‍या ज...

आईसारखे दैवत सार्‍या जगतावर नाही

म्हणून श्रीकाराच्या नंतर शिकणे अ, आ, ई

मुलांनो शिकणे अ, आ, ई

तीच वाढवी ती सांभाळी

ती करी सेवा तीन त्रिकाळी

देवानंतर नमवी मस्तक, आईच्या पायी

कौसल्येविण राम न झाला

देवकीपोटी कृष्ण जन्मला

शिवरायाचे चरित्र घडवी, माय जिजाबाई

नकोस विसरू ऋण आईचे

स्वरूप माउली पुण्याईचे

थोर पुरुष तू ठरून तियेचा, होई उतराई

गीत - ग. दि. माडगूळकर