मराठी मुख्य सूची|मराठी साहित्य|बालसाहित्य|बाल गीते|संग्रह १|
ठाऊक नाही मज काही ! ...

बालगीत - ठाऊक नाही मज काही ! ...

बालगीत हे लहान मुलांचे शब्दभांडार समृद्ध करण्यासाठी रचलेले गद्य अथवा पद्यात्मक काव्य होय.

Balgeet is a traditional or composed song or poem taught to children for development of vocabulary.
Tags :

ठाऊक नाही मज काही !

ठाऊक आहे का तुज काही,

कशी होती रे माझी आई ?

मऊ जशी ती साय दुधाची,

होती आई का तशी मायेची ?

बागेतील ते कमल मनोहर,

आई होती का तशीच सुंदर ?

देवाघरी का एकटी जाई ?

ठाऊक आहे का तुज काही,

कशी होती रे माझी आई ?

चिउकाऊची कथा चिमुकली,

सांगत होती का ती सगळी ?

अम्हांसारखे शुभंकरोती,

म्हणे रोज का देवापुढती ?

गात असे का ती अंगाई ?

ठाऊक आहे का तुज काही,

कशी होती रे माझी आई ?

मऊ साइहुन आई प्रेमळ !

गंगेहून ती आहे निर्मळ

अमृताचे घास भरविते

आभाळापरी माया करीते

आईवाचून मीही विरही

ठाऊक आहे का तुज काही,

कशी होती रे माझी आई ?

गीत - मधुसूदन कालेलकर

N/A
References : http://aathavanitli-gani.com/
Last Updated : January 17, 2018

Comments | अभिप्राय

Comments written here will be public after appropriate moderation.
Like us on Facebook to send us a private message.
TOP