अंधळ्या गायींत लंगडी गाय प्रधान

मराठी वाक्संप्रदाय - वाक्यप्रचार

   जेथें सर्व अंधळ्या गायी आहेत तेथें एकहि डोळस गाय, मग ती लंगडी असो, तीच अधिक शाहणी ठरणार. कारण बाकीच्यांना कांहींच दिसत नसल्यामुळें त्यांजवळ पूर्ण अज्ञान असतें. तेव्हां व्यंग असूनहि अल्प ज्ञानी जरी एखादा मनुष्य असला तरी तो अडाणी लोकांत पंडितासारखा मानला जातो.
   जेथे सर्व लोक पूर्णपणें अडाणी असतात तेथे अल्‍प ज्ञानीहि शहाणा ठरतो. पाठभेद-वासरांत लंगडी गाय शहाणी.