उंट बुडतो, आणि शेळी ठाव विचारते

मराठी वाक्संप्रदाय - वाक्यप्रचार

   एका नदीमध्ये उंट पलीकडे जात असतां पाण्यात बुडून मेला. त्याच वेळी काठावर असलेली शेळी पाणी किती खोल आहे म्हणून विचारीत होती. जेथे उंट बुडण्याइतके खोल पाणी आहे तेथे शेळी बुडणारच. तेव्हां तिने पाण्याचा ठाव विचारण्याचे कारणच नाही. जेथे मोठमोठ्या पराक्रमी विरांचेहि किंवा कर्तबगार माणसाचेहि काही चालत नाही अशा गोष्टीत एखाद्या फाटक्या तुटक्या माणसाने लक्ष्य घालण्यात काय अर्थ आहे?