कावळा बसण्यास आणि ढांग मोडण्यास (एकच गांठ)

मराठी वाक्संप्रदाय - वाक्यप्रचार

   ढांक=जुनाट झाड. प्रसंगवशात्‌ एका खांदीवर बसलेला कावळा उडून जाण्यास किंवा त्‍या खांदीवर येऊन बसण्यास व ती खांदी खाली मोडून पडण्यास एकच गांठ पडली. यावरून कोणी आपली समजूत अशी करून घेईल की कावळ्यानें उडतांना-बसतांना जोर दिल्‍यामुळे खांदी मोडली
   तर ती खरी नव्हे. तो केवळ आकस्‍मिक प्रसंग, योगायोग होय. काकतालीय न्याय पहा.