बोडकें बोडायला नि गारा पडायला एक गांठ

मराठी वाक्संप्रदाय - वाक्यप्रचार

   डोक्याचे सर्व केंस ज्या दिवशीं काढले त्याच दिवशीं गारांचा वर्षाव झाला तर त्यांचा जोराचा आघात डोक्यावर होऊन वेदना होतात. बोडकें बोडलें त्याच दिवशीं गारा पडणें हा दैवदुर्विपाक समजावयाचा. दैवदुर्विपाक दर्शविण्यासाठीं ही म्हण वापरतात. ‘ घरांत शिरतांच वळचण डोक्याला लागून घरच्या घर कोसळलें, बोडकं बोडायला नि गारा पडायला एक गांठ पडली त्याला उपाय काय ? ’