बहुत देखिले टिळेटाळे, पण चिखलास नाहीं पाहिले डोळे

मराठी वाक्संप्रदाय - वाक्यप्रचार

    एक कोल्हा व मगर हे मित्र होते. एके दिवशीं कोल्ह्यानें मगरास जेवावयास बोलाविलें व अन्न तयार करुन झाडावर बसला आणि मगरास हांका मारुं लागला
   अर्थात्‍ त्यास कांहीं वर जातां येईना. या गोष्टीचा सूड घेण्यासाठीं मगरानें कोल्ह्यास जेवावयास बोलावलें आणि सांगितलें कीं नदीच्या बाजूस तुला एक बीळ लागेल त्यांत अन्न तयार करुन ठेवलेलें आढळेल. कोल्हा जेव्हां बिळाशीं गेला तेव्हां त्याच्या मनांत संशय येऊन तो कांहीं आंत शिरण्यास धजेना. मगरानें त्यास आग्रह करुन सांगितलें कीं माझें घर आंत आहे. परंतु कोल्ह्यास त्या बिळामध्यें दोन डोळे लुकलुकतांना आढळले. तेव्हां त्यानें लबाडी ओळखून दूर जाऊन म्हटलें कीं ‘ बहुत देखिले० ’