महादेवाच्या पिंडीवरला विंचू मारतां येईना कीं सोडतां येईना

मराठी वाक्संप्रदाय - वाक्यप्रचार

विंचू बहुधां खेटराच्या तडाक्यानें ठेंचून मारण्याची रीत आहे. तो जर महादेवाच्या पिंडीवर जाऊन बसला असेल तर त्याला खेटरानें ठेचतां येत नाहीं. कारण त्या खेटराचा मार महादेवाच्या पिंडीला लागून महादेवाचा अपमान व्हावयाचा. बरें त्याला मारुं नये, जाऊं द्यावें तर तो पुढेंमागें कोणाला तरी दंश करणार, अशी मोठी पंचाईत येऊन पडते. ज्या व्यक्तीनें दुसर्‍या सन्माननीय व समर्थ व्यक्तीचा आश्रय केला आहे तिचा नाश करण्याचें मनांत आणलें तरी आश्रयभूत झालेल्या समर्थ व्यक्तीच्या अवकृपेच्या भीतीनें नाश साधणें दुरापास्त आहे.