संत मुक्ताबाईचे अभंग - प्रारब्ध संचित आचरण गोमटे...

प्रारब्ध संचित आचरण गोमटें । निवृत्तितटाकें निघालो आम्ही ॥ १ ॥

मुळींचा पदार्थ मुळींच पैं गेला । परतोनि अबोला संसारासी ॥ २ ॥

सत्यमिथाभाव सत्वर फळला । ह्रदयीं सामावला हरिराज ॥ ३ ॥

अव्यक्त आकार साकार हे स्फुर्ति । जीवेशिवें प्राप्ति ऐसें केलें ॥ ४ ॥

सकामनिष्कामवृत्तीचा निजफेर । वैकुंठाकार दाखविलें ॥ ५ ॥

मुक्तलग मुक्त मुक्ताईचें तट । अवघेचि वैकुंठ निघोट रया ॥ ६ ॥