आधीं भात खाऊन मग जात विचारावी

मराठी वाक्संप्रदाय - वाक्यप्रचार

आपल्याला भूक लागली असली व कोणी भात आणून दिला तर त्याच्या जातीची वगैरे चौकशी न करतां प्रथम आपली भूक भागवून घ्यावी. क्षुधाशमन करणें हे प्रथम कार्य, ते झाल्यानंतर इतर गोष्टी
नाहीतर प्रथमच त्या माणसाची जात वगैरे विचारली व त्या जातीच्या हातचें अन्न आपणांस निषिद्ध असले तर क्षुधा शमन होणार नाही. तेव्हां गौण गोष्टी बाजूला ठेवून प्रथम आपले कार्य साधून घेण्याकडे दृष्टि ठेवावी.