वनपर्व - अध्याय सोळावा

सहवासि ब्रह्मसभा विनउनि, घेउनि सुखें तदाज्ञा, ते
गुप्त वसाया गेले, सरला वनवास जैं तदा ज्ञाते. ॥१॥
खमृगवनवनदैवतसरिदद्गिसरांसि हात जोडूनीं,
रडले पांडव जातां सहवासि ब्रह्मवृंद सोडूनीं. ॥२॥
एवं भक्तमयूरें श्रीमद्रामप्रसादघनपर्वीं
केलें तांडव तोषें श्रीमद्भारततृतीयवनपर्वीं. ॥३॥

इति श्रीमदार्याभारते श्रीरामनंदनमयूरकृतौ तृतीयं वनपर्व श्रीरामचरणयोरर्पितम् श्रीः