गाय मारकी असती, तिची शिंगे लाब नसती

मराठी वाक्संप्रदाय - वाक्यप्रचार

   ज्‍या गाईची शिंगे लांबलचक असतात ती फारशी मारकी नसते किंवा तिच्या शिंगापासून एवढी दुखापत होत नाही. तर जिची शिंगे आखूड असतात तीच फार मारकी असून तिच्या शिंगांपासून अधिक इजा होते. जे फार बडबड करतात त्‍यापेक्षां जे कमी बोलतात ते अधिक भयंकर असतात. [मॅनवेरिंगने मारक्‍या गाईची शिंगे धनी लांब ठेवणार नाही, ती कापून टाकील
   म्‍हणून लांब शिंगांची गाय मारकी नसते असे स्‍पष्‍टीकरण दिले आहे ते पटत नाही. उलट लांब शिंगांनी गाईस मारावयास येत नाही, ती बाजूला वगेरे अडकतात. उलट आखूड शिंगे चांगली मारतां येतात.]