९६
धैर्याड्क .शेन निभृतं
रभसादाकृष्य भक्तिश्रृड्ख .लया ।
पुरहर चरणालाने
ह्रदयमदेभं बधान चिद्यन्त्रैः ॥९६॥
९७
प्रचरत्यभितः प्रगल्भवृत्त्या
मदवानेष मनःकरी गरीयान् ।
परिगृह्र नयेन भक्तिरज्जवा
परम स्थांणुपदं दृढं नयामुम् ॥९७॥
९८
सर्वालड्क .रयुक्तां सरलपदयुतां साधुवृत्तां सुवर्णा
सद्विस्संस्तूयमानां सरसगुणयुतां लक्षितां लक्षणाढ्याम् ।
उद्यद्भूषाविशेषामुपगतविनयां द्योतमानार्थरेखां
कल्याणीं देव गौरीप्रिय मम कविताकन्यकां त्वं गृहाण ॥९८॥
९९
इदं ते युक्तं वा परमशिव कारुण्यजलधे
गतौ तिर्यग्रूपं तव पदशिरोदर्शनधिया ।
हरिब्रह्याणौ तौ दिवि भुवि चरन्तौ श्रमयुतौ
कथं शंभॊ स्वामिन्कथय मम वेद्योऽसि पुरतः ॥९९॥
१००
स्तोत्रेणालमहं प्रवच्मि न मृषा देवा विरिच्चादयः
स्तुत्यानां गणनाप्रसड्र .समये त्वामग्रगण्यं विदुः ।
माहात्म्याग्रविचारणप्रकरणे धानातुषस्तोमवद्
धूतास्त्वां विदुरुत्तमोत्तमफलं शंभो भवत्सेवकाः ॥१००॥