श्रीवेंकटेशाचीं पदें

पद २४. वें.
श्रीवेंकटरमणा संकटहरणा करितों वंदना । प्रेमें करितों वंदना ॥ धृ० ॥
तूं एकचि तारक साचा । प्रतिपालक निजभजकांचा । चालक तैसा त्रिजगाचा । हे वाचा रमवुनि नामिं भवाच्या तोडीं बंधना ॥ श्रीवेंकट० ॥१॥
निर्विकार मुळिंचा होसि । परि घेउनि अवतारासि । निजभक्तजना सुखदेसि । नाशी दुरित तें करुनि सकल दुष्टांच्या कंदना ॥ श्रीवेंकट० ॥२॥
ह्रदयांत स्फुरत सुख तो तूं । जो व्यापक निज निहेंतु । तव नाम भवजलधि सेतु । हें गुह्य परम गुरुराज कथित कृष्णाच्या नंदना ॥ श्रीवेंकटरमाणा संकटहणा करितों वंदना ॥३॥
पद २५. वें.
वेंकटेश क्लेश हरुनि तो परेश सुखवी मजला । घेउनियां नानारूपें भक्त कार्य करण्या सजला ॥ धृ० ॥
सगुणमूर्ति पाहुनीयां अंतंरग प्रेमें भिजला । न बोलवे सुख तें वदनिं सख्या काय सांगूं तुजला ॥ वेंकटेश० ॥१॥
श्रीभूदेवि दक्षिण वामीं विराजती ज्याच्या विमला । कृष्णतनय वंदुनि चरणा जन्ममरण हरण्या भजला ॥ वेंकटेश० ॥२॥