तो आणि ती शय्येवरी होती सुखानें झोंपली;
आपापल्या किति गोडशा स्वप्नांत दोघे गुंगली.
जिव भाळला होता तिचा ज्याच्यावरीअ लग्नाआधी
तिज वाटले जणु येउनी तो झोंपला शय्येमधी
म्हणुनी तिने कर टाकिला पडला परी पतिंकांठी
क्षणि त्याच कीं पतिही तिचा कंठी तिच्या कर टाकितो.
त्यालाहि स्वप्नीं भेटली त्याची कुणीशी लाडकी;
आनंदुनी हृदयी सुखे कवळावया अपुली सखी--
कर टाकिला त्याने परी पडला तिच्या कंठ्स्थली !
कर कंठि ते जागेपणी बघती तदा आनंदली !