आनन्दमन्थरपुरन्दरमुक्तमाल्यं मौलौ हठेन निहितं महिषासुरस्य ।
पादाम्बुजं भवतु वो विजयाय मंजुमंजीरशिंजितमनोहरमम्बिकायाः ॥१॥
ब्रह्मादयोऽपि यदपांगतरंगभङ्ग्या सृष्टिस्थितिप्रलयकारणतां व्रजंति ।
लावण्यवारिनिधीवीचिपरिप्लुयायै तस्यै नमोऽस्तु सततं हरवल्लभायै ॥२॥
पौलस्त्यपीनभुजसंपुददस्यमानकैलाससंभ्रमविलोलदृशः प्रियायः ।
श्रेयांसि वो दिशतु निह्नतकोपचिह्नमालिङ्गनोत्पुलकभासितमिन्दुमौलैः ॥३॥
दिश्यान्महासुरशिरःसरसीप्सितानि प्रेखन्नखावलियमयूखमृणालनालम् ।
चण्ड्याश्चलच्चटुलनूपुरचंचरीकझांकारहारि चरणाम्बुरुहद्वयं वः ॥४॥
इति भवानीस्तुतिः ।