स्तुतिः - श्रीशम्भुस्तुतिः ।

ॐ नमः परमार्थेकरूपाय परमात्मने ॥

स्वेच्छाऽवबासितासत्यभेदभिन्नाय शंभवे ॥१॥

समस्तलक्षणायोग एव यस्योपलक्षणम्‍ ॥

तस्मै नमोस्तु देवाय कस्मैचिदपि शंभवे ॥२॥

संसारैकनिमित्ताय संसारैकविरोधिने ॥

नम संसाररूपाय निःसंसाराय शंभवे ॥३॥

सदसत्त्वे भावानां युक्ता या द्वितयी स्थितिः ॥

तामुल्लंघ्य तृतीयस्मै नमश्चित्राय शंभवे ॥४॥

आसन्नाय सुदूराय गुप्ताय प्रकटात्मने ॥

सुलभायातिदुर्गाय नमश्चित्राय शंभवे ॥५॥

इति श्रीशंभुस्तुतिः ।