काणा कैपती (कैफती) व अंधळा हिकमती

मराठी वाक्संप्रदाय - वाक्यप्रचार

   सामान्यतः तिरवे पहाणारा मनुष्‍य लबाड असतो व अंधळा मनुष्‍य नेहमी काही तरी भानगडी करीत असतो. तिरवें पाहणार्‍या मनुष्‍यास एकाकडे पाहत असतां दुसर्‍याजवळ बोलत आहे असे दिसते. त्‍यामुळे तो एकाजवळ बोलत असतां दुसर्‍यास काही नेत्रसंकेत करीत आहे असे दिसते. त्‍याचप्रमाणें अंधळा मनुष्‍य परस्‍वाधीन असल्‍यामुळे व त्‍यास लोक काय करतात हे दिसत नसल्‍यामुळे नेहमी संशयी असतो व आपला उद्देश सरळ रीतीनें साधणार नाही असे मानून काही तरी हळूच भानगडी करीत असतो. तसेच त्‍याचे कान फार तीक्ष्ण असल्‍यामुळे लोक काय बोलतात ते त्‍यास ऐकावयास येते व अनेकांच्या भानगडी कळतात
   त्‍यांचा तो फायदा घेतो.