अथ विवाहे मंडपवेद्यादि - निर्णय:

॥ वसिष्ठ: - षोडशारत्निकंकुर्याच्चतुर्द्वारोपशोभितम् ॥ मंडपंतोरणैर्युक्तंतत्र वेदिंप्रकल्पयेत् ॥ अष्टहस्तंतुरच्वयेन्मंडपंवाद्विषट्करं ॥ सप्तर्षिमते - मंगलेषुचसर्वेषु मंडपो गृहमानत: ॥ कार्य: षोडशहस्तोवा न्यूनहस्तो दशावधि: ॥ दैवज्ञमनोहर: - चित्राविशाखाशततारकाश्विनी ज्येष्ठाभरण्यौशिवभाच्चतुष्टयम् ॥ हित्वाप्रशस्तंफ़लतैलवेदिकाप्रदानकंकंनमंडपादिकम् ॥ हेमाद्रौव्यास: - कंडनदलन यवारकं मंडपमृद्वेदिवर्णकाद्यखिलं तत्संबंधिगतागतं मृगेवैवाहिकेकुर्यात् ॥ यवारकं चिकसाइति प्रसिद्धम् ॥ वेदिमाह नारद: - हस्तोच्छ्रितांचतुर्हस्तैश्चतुरस्रांस मंतत: ॥ स्तंभैश्चतुर्भि: सुश्लक्ष्णांवामभागेतुसद्मानि ॥ समांतथाचतुर्दिक्षुसोपानैरतिशोभिताम् ॥ प्रागुदक्प्रवणारंभांस्तंभैर्हंसशुक्रादिभि: एवंविधामारुरुक्षेन्मिथुनंसाग्निवेदिकाम् इति ॥ हस्तो वघ्वा: ॥ सोपानंपश्चिमत: उपरिभागेउक्तपरिमाणा द्भिन्नम् ॥