रामाष्टकम् - द्वितीयम्

( पुष्पिताग्रावृत्तम् )
नवजलधरनीलमीड्यमेकं कलिमलनाशनकीर्तनं सुभद्रम्
प्रथमपरमुनींद्रगीतकीर्तिं दशरथनंदनमीश्वरं नमामि. ॥१॥
जलरुहदललोचनं प्रशांतं पतितजनावनदक्षमीशितारम्
विपदघगिरिवज्रसारपादांबुजरजसं रघुनायकं नभामि. ॥२॥
भजदखिलजनैककामकल्पद्रुमममलामितसद्गुणामृताब्धिम्
शिवहृदयनिवासमादिदेवं दशमुखकालमनंतमाश्रयामि. ॥३॥
सकरुणमवने रतं निजानामुरुभुजविक्रमनिर्जितारिदर्पम्
मुनिजननुतनीतिवर्त्मनिष्ठं परमपदप्रदमंतराश्रयेऽहम् ॥४॥
शरधिशरशरासनासिवल्लीधरमरिकाननदावमुग्रवीर्यम्
शरणदचरणं रणप्रचंडं विधिमुखमार्गितमुक्तिवर्त्म वंदे. ॥५॥
शुचिमुचितचरित्रमंचितांघ्रिं चतुरचकोरकचंद्रमिंद्रनाथम्
अचलमृचि गतं चराचरेशं चिरतरमच्युतमीशमानतोऽस्मि. ॥६॥
पवनसुतरथं ककुत्स्थनाथं विमलकथं चतुरास्यगीतगाथम्
कुशिकमुनिवशं नृपालवेषं प्रशमिततापमपास्तपापमीडे. ॥७॥
सुखकरमुरगेंद्रशय्यमार्यं वरदमुरुक्रममाश्रितामरद्रुम्
द्रुहिणगुरुमुदारमद्वितीयं नुम उदरीकृतदीनमब्जनाथम्. ॥८॥
श्रीरामाष्टकम् ।