बैल गेला न्‌ झोपा केला

मराठी वाक्संप्रदाय - वाक्यप्रचार

एका मनुष्‍याजवळ एक बैला होता. तो ज्‍या ठिकाणी बांधीत असे त्‍या गोठ्‌याला दरवाजा अथवा कवाड नव्हते. अशा स्‍थितीत वाघाचा उपद्रव सुरू झाला तेव्हां त्‍यास गोठ्यास झोपा करावयास त्‍याच्या बायकोने सांगितले, त्‍यानेहि त्‍याप्रमाणें करण्याचा मनात विचार केला
पण रोज काही काही निमित्ताने तो ते काम दिरंगाईवर टाकू लागला. अखेरीस त्‍याने एके दिवशी कवाड जवळजवळ तयार केले व दुसर्‍या दिवशी सकाळी गोठ्‌यास लावावयाचे तो त्‍या रात्री वाघाने बैलास उचलून नेले. याप्रमाणें दिरंगाईमुळे त्‍याचा बैल गेला व त्‍याचे श्रमहि फुकट गेले. याकरितां जी गोष्‍ट करावयाची ती वेळेवर केली तर तिचा उपयोग होतो, नाहीतर वेळ निघून गेल्‍यावर तिचा काही उपयोग होत नाही. तु०-वरातीमागून घोडे.