अध्याय १९३ - शिवरात्रिव्रतम्

अग्निरुवाच
शिवरात्रिव्रतं वक्ष्ये भुक्तिमुक्तिप्रदं शृणु(१) ॥१॥
माघफाल्गुनयोर्मध्ये कृष्णा या तु चतुर्दशी ॥१॥
कामयुक्ता तु सोपोष्या कुर्वन् जागरणं व्रती ॥२॥
शिवरात्रिव्रतं कुर्वे चतुर्दश्यामभोजनं ॥२॥
रात्रिजागरणेनैव पूजयामि शिवं व्रती ॥३॥
आवाहयाम्यहं शम्भुं भुक्तिमुक्तिप्रदायकं ॥३॥
नरकार्णवकोत्तारनावं शिव नमोऽस्तु ते ॥४॥
नमः शिवाय शान्ताय प्रजाराज्यादिदायिने ॥४॥
सौभाग्यारोग्यविद्यार्थस्वर्गमार्गप्रदायिने(२) ॥५॥
धर्मन्देहि धनन्देहि कामभोगादि देहि मे ॥५॥
गुणकीर्तिसुखं देहि स्वर्गं मोक्षं च देहि मे ॥६॥
लुब्धकः प्राप्तवान् पुण्यं पापी सुन्दरसेनकः ॥६॥

इत्याग्नेये महापुराणे शिवरात्रिव्रतं नाम त्रिनवत्यधिकशततमोऽध्यायः ॥